गृह मन्त्रालयका सचिव सिंहको सरुवा

काठमाडौं । नेपालीलाई भुटानी शरणार्थी बनाएर ठगी गर्ने गिरोहमाथिको अनुसन्धान अघि बढिरहँदा सरकारले गृह मन्त्रालयको सचिव परिवर्तन गरेको छ ।

मंगलबार बसेको मन्त्रिपरिषद्को बैठकले गृहमा रहेका विनोदप्रकाश सिंहलाई हटाएर उनको उनको जिम्मेवारी दिनेश भट्टराईलाई दिने निर्णय गरेको हो । सरकारका एक मन्त्रीले गृह मन्त्रालयका सचिव सिंहको सरुवा गरिएको बताए । गत असोज २ मा तत्कालीन गृहसचिव टेकनारायण पाण्डेको सरुवापछि सिंह गृहमा आएका थिए ।

पूर्ववर्ती सचिव पक्राउ परेर हिरासतमा रहेका बेला सिंह पजनीमा परेका हुन् । उनलाई प्रधानमन्त्री तथा मन्त्रिपरिषद् कार्यालयमा पठाइएको छ । चुनौतीपूर्ण समयमा गृहको प्रशासनिक नेतृत्व गर्ने अवसर पाएका भट्टराईलाई प्रधानमन्त्री तथा मन्त्रिपरिषद् कार्यालयमा कार्यरत थिए ।