एजेन्सी । फिल्म ‘द केरला स्टोरी’ले सप्ताहन्तमा राम्रो व्यापार गरेको छ ।
रिलिजको तेस्रो दिन अर्थात् आइतबार फिल्मले करिब १६ करोडको कलेक्सन गर्यो । सेकनिल्कका अनुसार फिल्मले पहिलो दिन ८.०३ करोड, दोस्रो दिन १२.५० करोड र तेस्रो दिन करिब १६ करोड कमाइ गरेको छ । फिल्मको कुल कमाइ ३५ करोड नाघेको छ ।
फिल्ममा केरलाबाट कथित रूपमा बेपत्ता भई इस्लाम धर्म स्वीकार गर्ने केटीहरूको कथा देखाइएको छ । फिल्मलाई लिएर निकै विवाद पनि भइरहेको छ । एउटा खण्डले फिल्मलाई प्रचारको रूपमा खारेज गरिरहेको छ भने अर्को खण्डले यसलाई केरलाको वास्तविकता बताइरहेको छ ।
केरलाका मुख्यमन्त्री पिनाराई विजयनले फिल्म निर्माताहरूले लभ जिहादको मुद्दा उठाएर संघ परिवारको प्रचारलाई अगाडि बढाएको बताएका थिए ।
प्रतिक्रिया