काठमाडौं । टिकापुर घटनाका मुख्य दोषी ठहरिएका नागरिक उन्मुक्ति पार्टीका संरक्षक रेशम चौधरिको आम माफि सम्बन्धी प्रस्ताव राष्ट्रपति कार्यालयले फिर्ता पठाएको छ ।
शुक्रबार राष्ट्रपति रामचन्द्र पौडेलले चौधरीको आममाफि सम्बन्धी प्रस्तावका फाइल पुनः गृहमन्त्रालयमा फिर्ता गरेको हो । चौधरीलाई आमाफि दिनका लागि कानून नपुगेकाले तत्काल माफि दिन नसकिने भन्दै फाइल फिर्ता पठाएको राष्ट्रपति कार्यालयले जनाएको छ ।
रेशम चौधरीको आम माफीसम्बन्धी प्रचलित कानुन, सर्वोच्चको फैसला, सर्वोच्च अदालतद्वारा प्रतिपादित सिद्धान्त विपरीत नहुने गरी कानुन बमोजिम गर्न भनेर राष्ट्रपति कार्यालयले मन्त्रालयमा फाइल फिर्ता गरेको राष्ट्रपति कार्यालयले जनाएको छ । २०७२ भदौमा कैलालीको टीकापुर घटनामा अदालतमा दोषी ठहर भइ चौधरीले जन्मकैदको सजाय भुक्तान गरिरहेका छन् ।
चौधरीलाई जेष्ठ १५ गते गणतन्त्र दिवसको अवसरमा राष्ट्रपतिमार्फत सजाय माफी गराउने तयारी सरकारले गरेको थियो । तर, राष्ट्रपति कार्यलयले फाइल फिर्ता पठाएपछि तत्काल रेशमको नछुटने भएका छन् ।
प्रतिक्रिया