रातो मच्छिन्द्रनाथको भोटो देखाउने जात्रा सम्पन्न

काठमाडौं । वर्षा र सहकालका देवता रातो मच्छिन्द्रनाथको भोटो देखाउने जात्रा बिहीबार सम्पन्न भएको छ ।

राष्ट्रपति रामचन्द्र पौडेल, उपरराष्ट्रपति रामसहायप्रसाद यादव, प्रधानमन्त्री पुष्पकमल दाहाल प्रचण्डसहित विशिष्ट व्यक्तिहरुको उपस्थितिमा बिहीबार अपरान्ह रातो मच्छिन्द्रनाथको भोटो देखाइएको हो । ललितपुरको जावलाखेलमा रातो मच्छिन्द्रनाथको भोटो देखाइएको हो । यस जात्रामा राष्ट्रप्रमुखको उपस्थितिमा गुठी संस्थानका प्रतिनिधिले भोटो देखाउने प्रचलन रहेको छ ।

सोहि अनुसार बिहिबार पनि गुठि संस्थान कार्यालय ललितपुरका प्रतिनिधिले भोटो देखाएका थिए । मच्छिन्द्रनाथको रथलाई तानेर जावलाखेल पुर्‍याइएको चौथो दिनमा भोटो देखाउने प्रचलन रहेको छ ।

अब रातो मच्छिन्द्रनाथको मूर्तिलाई खटमा राखेर बुंगमती पुर्‍याइन्छ ।