दाङ । लुम्बिनी प्रदेशको मुख्यमन्त्रीमा नेपाली कांग्रेसका डिल्लीबहादुर चौधरीले दाबी पेस गरेका छन् ।
प्रदेश प्रमुख अमिक शेरचनसमक्ष आठ दलीय गठबन्धनको तर्फबाट चौधरीले मुख्यमन्त्रीमा दाबी पेस गरेका हुन् । चौधरी दाङ क्षेत्र नम्बर ३ (१) बाट प्रदेशसभा सदस्य चुनिएका थिए । उनलाई नेकपा माओवादी केन्द्र, जसपा, नागरिक उन्मुक्त्ति, जनमत, राष्ट्रिय जनमोर्चा र नेकपा एसले समर्थन गरेका छन् ।
चौधरीलाई जम्मा ५३ सांसदको समर्थन रहेको छ । गत पुस २७ मा संविधानको धारा १६८ (२) अनुसार नेकपा एमालेबाट मुख्यमन्त्री बनेका लिला गिरीले वैशाख ११ गते प्रदेश सभामा विश्वासको मत नपाएपछि नयाँ सरकार गठन हुन लागेको हो ।
८७ सदस्यीय लुम्बिनी प्रदेश सभामा बहुमतका लागि ४४ सांसदको समर्थन चाहिन्छ ।
प्रतिक्रिया