चितवनमा भारि मतसहित रवि विजयी

चितवन । चितवन निर्वाचन क्षेत्र नम्बर २ मा मा राष्ट्रिय स्वतन्त्र पार्टीका सभापति विजयी भएका छन् ।

उनले ५४ हजार १ सय ७६ मत प्राप्त गर्दै जित निकालेका हुन् । प्रतिशतको आधारमा उनले जम्मा खसेको मत मध्य उनले प्राप्त गरेको मत ६९ प्रतिशत रहेको छ । उनका निकटतम प्रतिद्वन्द्वी नेपाली कांग्रेसका जीतनारायण श्रेष्ठको ११ हजार २ सय १४ मत ल्याएका छन् ।

त्यसैगरी नेकपा एमालेका रामप्रसाद न्यौपानेले १० हजार ९ सय ३६ मत ल्याएका छन् । यहाँ कुल ७८ हजार २७७ मत खसेको थियो भने २४ जना उम्मेदवार चुनावी मैदानमा रहेका थिए । गत मंसिर ४ मा भएको निर्वाचनमा ८४ हजार ३१५ मत खस्दा रवि लामिछाने ४९ हजार २९६ मत ल्याएर विजयी भएका थिए ।

तर नागरिकतासम्बन्धी मुद्दामा अदालतको फैसलाबाट उनी पदमुक्त भएपछि आयोगले रिक्त रहेको पदमा उपनिर्वाचनका गराएको हो । अघिल्लो निर्वाचनमा भन्दा कम मत खसे पनि लामिछानेले मत र मतान्तर बढी आएको हो ।

पहिलेभन्दा खसेको मत कम भएपनि यसपटक लामिछानेले भने पहिलेभन्दा ४ हजार ९१२ मत बढाएका छन् ।