बारा–२ मा मतगणना सुरु, उपेन्द्र यादव अगाडी

बारा । प्रतिनिधिसभा उपनिर्वाचन अन्र्तगत बारा–२ को मतगणना सुरु भएको छ ।

कलैस्थित शिक्षा तालिम केन्द्रमा मतगणना सुरु भएको हो । करैयामाई गाउपालिका र सुर्वण गाउँपालिकाबाट मत गणना थालिएको हो । यसअघि मत गणनास्थलमा बस्ने उम्मेदवारका प्रतिनिधि समयमा नआउँदा मत गणनामा ढिलाई भएको थियो । हालसम्म गणना भएका मतमध्य जनता समाजवादी पार्टीका अध्यक्ष उपेन्द्र यादवले आफ्नो अग्रता कायम रखेका छन् ।

उनले २ सय २३ मत प्राप्त गरेका छन् भने जनमत पार्टीका उम्मेदवार शिवचन्द्र कुशवाहले १ सय ७० मत प्राप्त गरेका छन् । त्यस्तै नेकपा एमालेका पुरुषोत्तम पौडेलले १ सय ६७ मत प्राप्त गरेका छन् ।

आइतबार भएको उपनिर्वाचनमा बारामा करिब ६३ प्रतिशत मतदान थियो ।