काठमाडौं । राष्ट्रिय स्वतन्त्र पार्टी (रास्वपा) ले आफ्ना समानुपातिक सांसद ढाकाकुमार श्रेष्ठलाई गरेको कारबाहीबारे संघीय संसद् सचिवालयले अध्ययन गर्ने भएको छ।
रास्वपाले गत चैत्र ३० गते श्रेष्ठलाई पार्टीको साधारण सदस्यसमेत नरहने र सांसदबाट समेत निष्कासित गर्दै कारबाही गरेको थियो । राजनीतिक दलसम्बन्धी ऐन २०७३ मा भएको व्यवस्थाअनुसार संघीय संसद सचिवालयमा रास्वपाले श्रेष्ठमाथि गरेको कारबाही कानुनसम्मत छ कि छैन् भने अध्ययन गर्न लागिएको हो ।
आइतबार यस बिषयमा सचिवालयले अध्ययन गरेर यथार्थ बिषय सभामुखलाई जानकारी गराउने संसद सचिवालयले जनाएको छ । राजनीतिक दलसम्बन्धी ऐनको दफा ३४, ३५ र ३६ मा संसद् सदस्यले दल त्याग गरेमा वा निष्कासन गरेमा त्यसको सूचना संसदमा दिनुपर्ने र सो सूचना दर्ता भएको १५ दिनभित्र सभामुखले प्रतिनिधि सभाको बैठकमा वाचन गरेर जानकारी गराउनुपर्ने व्यवस्था छ।
संसद् नचलेको वेला छ, सभामुखले सूचना पार्टीमा सूचना टाँस गरेर जानकारी गराउनुपर्नेछ। गत चैत ३० गते ढाकाकुमार श्रेष्ठलाई कारबाही गरेको पत्र रास्वपाले आयोगमा पठाएको थियो। सभामुखले सदनमा स्थान रिक्तताको जानकारी गराएपछि निर्वाचन आयोगले समानुपातिक बन्दसूचीमा रहेका कुनै एक उम्मेदवारलाई प्राथमिकता क्रमअनुसार छनोट भएका व्यक्तिलाई समानुपातिक सांसदमा निर्वाचित गर्ने बताइएको छ।
रास्वपाले भने समानुपातिक सूचीमा रहेका विन्दवासिनी कङ्साकारलाई समानुपातिक सांसद पदमा निर्वाचित गर्ने निर्णय गरेको छ।
प्रतिक्रिया