काठमाडौं । नेपाली राष्ट्रिय क्रिकेट टोलीका पूर्वकप्तान पारस खड्का सम्मिलित एसिया लायन्सले लेजेन्ड्स क्रिकेट लिग– २०२३ को पहिलो खेलमा इन्डिया महाराजसलाई हराएको छ ।
कतारको दोहामा रहेको वेस्ट इन्ड पार्क इन्टरनेसल क्रिकेट स्टेडियममा गएराति भएको खेलमा एसियाले इन्डियालाई ९ रनले हराएका हो । एक सय ६६ रनको विजयी लक्ष्य पछ्याएको महाराजसले निर्धारित २० ओभरमा ८ विकेट गुमाउँदै १ सय ५६ रनमात्र बनायो । इन्डियाका कप्तान गौतम गम्भीरले हत सर्वाधिक ५२ रन बनाए पनि टोलीको हार टार्न सकेनन् ।
त्यसअघि टस जितेर पहिला ब्याटिङ रोजेको एसियाले निर्धारित २० ओभरमा ६ विकेट गुमाउँदै १ सय ६५ रन बनाएको थियो । नेपालका पूर्वकप्तान खड्का २ बलमा ३ रन बनाएर अविजित रहे । उनले आठौँ नम्बरमा ब्याटिङ गर्ने अवसर पाएका थिए । एसियाले अब सोमबर वल्र्ड जायन्ट्ससँग खेल्नेछ । एसियाका कप्तान पाकिस्तानका पूर्वकप्तान शाहिद अफ्रिदी छन् ।
प्रतिक्रिया