उपचारका लागि सांसद चन्द्र भण्डारीलाई भारत पठाइयो

काठमाडौं । ग्यास सिलिन्डर विष्फोटमा घाइते भएका नेपाली कांग्रेसका सांसद चन्द्र भण्डारीलाई थप उपचारका लागि भारत लगिएको छ ।

उनलाई बिहीबार दिउँसो एयर एम्बुलेन्समार्फत भारत लगिएको हो । सांसद भण्डारीलाई बम्बईको नेशनल वर्न सेन्टरमा उपचार गरिने स्वास्थ्य तथा जनसंख्या मन्त्रालयले जानकारी दिएको छ । उनको उपचार टिममा डा.प्रदीप तिवारी (क्रिटिकल केयर हेड), डा.बृहस्पति (एनेस्थेसिया एण्ड क्रिटिकल केयर), डा.रोशन शर्मा, (फ्लाइट डाक्टर इएमएस) सहभागी रहेको मन्त्रालयले जनाएको छ ।

त्यस्तै, दिनेश राई (प्यारामेडिक्स इआर), सागर महर्जन (प्यारामेडिक्स इआर) र राज तामाङ (प्यारामेडिक्स इआर) पनि उपचार टोलीमा रहेका छन् । बुधबार राति बुद्धनगरस्थित घरमा ग्यासमा आलो लागेपछि भाइते भएका सांसद भण्डारीको कीर्तिपुर वर्न अस्पतालमा उपचार गरिएको थियो । कीर्तिपुरमा उपचार सम्भव नभएपछि उनलाई मुम्बई लगिएको हो ।

ग्यास उक्त घटनामा घाइते भएकी भण्डारीकी आमा हरिकलाको भने बिहीबार बिहान उपचारको क्रममा निधन भएको छ । गुल्मी १ बाट भण्डारी प्रतिनिधिसभा सदस्यमा निर्वाचित भएका थिए ।