काठमाडौं । ट्राफिक जरिवाना बढाइएको लगायत १० बुँदे मागसहित आन्दोलनमा उत्रिएका यातायात मजदुर र सरकारबीच सिंहदरबारमा वार्ता सुरु भएको छ ।
मंगलबार बिहान भौतिक पूर्वाधार तथा यातायातमन्त्री नारायणकाजी श्रेष्ठको अध्यक्षतामा मन्त्रालयमै वार्ता सुरु भएको छ । वार्तामा बढाइएको ट्राफिक जरिवानालगायत मागहरू र आन्दोलन फिर्ता गर्ने विषयमा छलफल केन्द्रित भएको छ । विभिन्न माग राखेका यातायात मजुदुरले सोमबार बालाजु क्षेत्रमा प्रहरीको गाडीमा आगजनी गर्नुका साथै केही पसलमा लुटपाटसमेत गरेका थिए ।
यातायात मजदुरले आज पनि उपत्यकामा सार्वजनिक सवारी साधन सञ्चालनमा रोक लगाएका छन् ।
प्रतिक्रिया