मुख्यमन्त्री रावललाई नाउपाले विश्वासको मत नदिने, सरकार संकटमा

काठमाडौं । नागरिक उन्मुक्ति पार्टीले सुदूरपश्चिम प्रदेश सरकारका मुख्यमन्त्री राजेन्द्र रावललाई विश्वासको मत नदिने निर्णय गरेको छ ।

रावलले बिहिबार विश्वासको मत लिनुपर्ने संवैधानीक बाध्यता अनुसार आज विश्वासको मत लिने तयारी भएको छ । तर सरकार गठनका बेला साथ दिएको नाउपाले विश्वासको मत नदिने भएपछि रावल नेतृत्वको सरकार संकटमा परेको हो । बुधबार विश्वासको मत दिने कार्यक्रम स्थगित गरेर एमाले नेताहरुले बुधबार नाउपा नेताहरुसँग छलफल गरेका थिए ।

तर कुनै सहमति हुन सकेन । रावलले आज विश्वासको मत नपाएको खण्डमा उनि स्वतह पदमुक्त हुनेछन् । त्यसपछि संविधानको धारा ६८ (३) अनुसार प्रदेशसभाको सबभन्दा ठूलो दल नेपाली कांग्रेसको नेतृत्वमा सरकार गठनको बाटो खुल्नेछ ।

रावलले विश्वासको मत नपाउने सम्भावना बढ्दै गएका बेला नेपाली कांग्रेसका नेताहरु नयाँ सरकार गठनका लागि दौडधुपमा देखिएका छन् ।