काठमाडौं । मेलम्ची बाढी प्रभावितहरूले प्रदेश सरकार भएको आभाष गर्न नपाएको प्रदेश सांसद कृष्ण कुमार तामाङ (समिर) ले बताएका छन् ।
बागमती प्रदेशसभाको बैठकमा विषेश समयमा बोल्दै सिन्धुपाल्चोक क्षेत्र नम्बर २ प्रदेश “ख” बाट निर्वाचित तामाङले सो कुरा बताएका हुन् । गत असारको बाढीका कारण घरबार विहीन भएका नागरिकको अझैसम्म पनि पुनस्थापना नभएको तामाङले संसद्मा जानकारी गराएका हुन् ।
यस भेगका नागरीकले अझैपनि सरकार भएको महसुस गर्न नपाएको उनको भनाइ थियो । हेलम्बु गाउँपालिका, मेलम्ची नगरपालिकाका र पाँचपोखरी थाङ्पाल गाउँपालिकाका धेरै नागरिकहरूले घरबार विहीन हुनुका साथै गरिखाने ठाँउ समेत गुमाएका छन् ।
आक्रान्त बनेका नागरिकको तत्काल पुनस्थापना हुनुपर्नेमा सांसद तामाङले जोड दिए । दुई वर्ष भइसक्दा पनि नागरिकहरू पुर्नस्थापित हुन नसकेको उनको भनाइ थियो ।
प्रतिक्रिया