शहीदको सपना पूरा गर्न सञ्चारमाध्यमको महत्त्वपूर्ण भुमिका हुन्छः घिमिरे

काठमाडौं । प्रतिनिधिसभाका सभामुख देवराज घिमिरेले शहीदका अधुरा सपना पूरा गर्न सबै प्रतिबद्ध हुनुपर्ने बताएका छन् ।

सोमवार पत्रकारहरूसँगको अन्तरक्रियात्मक कार्यक्रममा शहीदप्रति श्रद्धाञ्जलि अर्पण गर्दै शहीदहरूको आकाङ्क्षा पूरा गर्न आमसञ्चारमाध्यमले विशेष भूमिका निर्वाह गर्ने उनको भनाई छ । सभामुख घिमिरेले विगतमा संसदीय समाचार सङ्कलनमा गरिएका राम्रा अभ्यासको निरन्तरता र समस्याको समाधान गर्ने प्रतिबद्धता जनाए ।

संसद्को भूमिका समाजलाई कसरी अग्र गति दिन सकिन्छ भन्ने रहेको र त्यसका लागि पत्रकार र आमसञ्चारमाध्यमले सहयोग गरिरहेकोपनि उनले बताए । अन्तरक्रियामा पत्रकारहरूले संसदीय समाचार सङ्कलनका क्रममा देखिएका चुनौतीबारे सभामुखको ध्यानाकर्षण गराएका थिए ।