रुपन्देही । ‘सुस्ता बचाऔँ’ अभियानका संयोजक गोपाल गुरुङको निधन भएको छ ।
मस्तिस्क घात भएपछि पुस ८ गतेदेखि भैरहवा मेडिकल कलेज रुपन्देहीमा उपचाररत गुरुङको गएराति निधन भएको हो । भारतीय अतिक्रमणको चपेटामा परेको सुस्ताको भूमि जोगाउन उनले विगत २५ वर्षदेखि सुस्ता बचाऔँ अभियान सञ्चालन गर्दै आएका थिए । ६२ वर्षीय गुरुङ नेपाल प्रहरीको जागिरबाट अवकास लिएपछि कास्की जिल्लाको पोखरा पुर्ख्यौली घर भएका गुरुङ सुस्तामा नै बसेर भारतीय ज्यादतीविरुद्ध आवाज उठाउँदै आएका थिए ।
उनको उपचारमा रकम अभाव भएपछि सुस्ताबासीले चन्दा संकलन गरेर उपचार गरिरहेका थिए । उनको श्रीमती, एक छोरा र एक छोरी छन् ।
प्रतिक्रिया