फागुनको २ गते देखि बुटवलमा कृषि मेला

बुटबल । बुटवलमा फागुनको पहिलो सातादेखि कृषि मेला हुने भएको छ ।

बुटवल उद्योग वाणिज्य संघ, रुपन्देहीको आयोजनामा कृषि मेला आयोजना गर्न लागिएको हो । संघको कार्यसमिति बैठकले फागुनको २ देखि ६ गतेसम्म कृषि मेला गर्ने निर्णय गरेको संघका महासचिव बिमलराज भट्टराईले जानकारी दिए । पाँच दिनसम्म सञ्चालन गरिने कृषि मेलामा उत्कृष्ट कृषि उत्पादन, आधुनिक कृषि प्रविधि, कृषिऔजार र मेसिनरी, व्यवसायिक कृषिखेती प्रणालीलगायतका करिव ५० स्टल राखिनेछ ।

कृषि मेलाका लागि संघका अध्यक्ष उज्ज्वलप्रसाद कसजूको संयोजकत्वमा मुल समिति गठन गरिएको छ । त्यस्तै, सहसंयोजकमा संघका वरिष्ठ उपाध्यक्ष दिनेशप्रसाद श्रेष्ठ, उपसंयोजकमा उद्योग उपाध्यक्ष टंकप्रसाद गैरे, वाणिज्य उपाध्यक्ष नरिश्वर शर्मा पौडेल, मुल समितिका सदस्य सचिवमा महासचिव बिमलराज भट्टराई रहेका छन् ।