मुक्ति कृषि सहकारीको अध्यक्षमा आचार्य निर्वाचित

विराटनगर । मोरङको कानेपोखरी २ को मुक्ति कृषि सहकारी संस्थाको अध्यक्षमा अर्जुन आचार्य सर्वसम्मत चयन भएका छन् ।

स्थापनाकाल देखि निरन्तर अध्यक्ष हुँदै आएका आचार्य पुनः निर्वाचित भएका हुन् । शुक्रबार सम्पन्न आठौं साधरणसभाको अवसरमा भएको निर्वाचन प्रक्रियामा आचार्यसहित कार्यसमितिका उपाध्यक्ष युवराज कोइराला, सचिवमा लोकनाथ फुयाल र कोषाध्यक्षमा लाखबहादुर श्रेष्ठ सर्वसम्मत चयन भएका हुन् ।

७ सदस्यीय कार्यसमितिको सदस्यमा नवराज भट्टराई, चन्द्रमाया मगर र जमुना अधिकारी (ओझा) चयन भएका हुन् । यस्तै लेखा समितिको संयोजकमा टिका प्रसाद कोइराला तथा सदस्यहरुमा अम्बिका कोइराला र रिना कार्की चयन भएका छन् । २०७१ सालमा स्थापित सहकारीले गत आर्थिक वर्षमा डेढ करोड बढीको कारोबार गरेको छ भने ८ लाख ७५ हजार शेयरपूँजी रहेको सहकारीले गत आर्थिक वर्ष २०७८/०७९ मा २ लाख ७८ हजार ३१७ मुनाफा गरेको छ ।

चार लाख १ हजार ७२७ रुपैयाँ बराबरको स्थिर सम्पत्ती रहेको सहकारीमा ६६ जना शेयर सदस्य रहेका छन् ।