कर्णालीको मुख्यमन्त्रीमा माओवादीका राजकुमार शर्मा नियुक्त

सुर्खेत । कर्णाली प्रदेशको मुख्यमन्त्रीमा नेकपा माओवादी केन्द्रका राजकुमार शर्मा नियुक्त भएका छन् ।

माओवादी केन्द्रका संसदीय दलका नेता शर्मालाई प्रदेश प्रमुख तिलक परियारले संविधानको धारा १६८ को २ बमोजिम बुधबार मुख्यमन्त्रीमा नियुक्त गरेका हुन् । कर्णालीमा बहुमतका लागि २१ सिट आवश्यक पर्नेमा ४० जना सदस्यमध्ये २५ जनाको हस्ताक्षरसहित शर्माले बुधबार नै मुख्यमन्त्रीका लागि दावी पेश गरेका थिए । शर्मालाई माओवादी केन्द्रको १३, नेकपा एमालेको १०, नेकपा एकीकृत समाजवादी र राष्ट्रिय प्रजातन्त्र पार्टीका एक–एक जना सदस्यले समर्थन गरेका छन् ।

प्रदेश सरकारको नेतृत्व माओवादी र एमालेले आलोपालो गर्ने सहमति भएको छ ।