काठमाडौं । रोल्पा प्रदेश सभा (२) बाट निर्वाचित स्वतन्त्र सांसद दीपेन्द्रकुमार पुन मगर नेकपा (माओवादी केन्द्र) मा फर्किएका छन् ।
गएको मङ्सिर ४ गते सम्पन्न चुनावमा उनी माओवादीको पोलिटब्युरो सदस्य र रोल्पा जिल्ला इन्चार्जबाट राजीनामा दिएर प्रदेशको उम्मेदवार बनेका थिए । लुम्बिनी प्रदेश सभामा भारी मतले विजयी भएका मगरले पार्टी छाडेकोमा आत्मालोचना गर्दै फेरि माओवादी केन्द्रमा रहेर काम गर्ने पत्र पार्टी केन्द्रीय कार्यालय पेरिसडाँडामा बुझाएका छन् । पार्टी छाडेर चुनावमा उम्मेदवार बनेपछि उनलाई माओवादीले निष्कासन गरेको थियो ।
मगरलाई आज प्रधानमन्त्री पुष्पकमल दाहाल प्रचण्ड र रोल्पाका प्रतिनिधि सभा सदस्य एवम् माओवादी नेता वर्षमान पुनले पार्टीमा स्वागत गरेका छन् ।
प्रतिक्रिया