पुस २९ गते विश्वासको मत लिने तयारीमा दाहाल

काठमाडौं । प्रधानमन्त्री पुष्पकमल दाहालले पुस महिनाभित्रै विश्वासको मत लिने भएका छन् ।

यहि २५ गतेबाट प्रतिनिधिसभाको अधिवेशन सुरु हुने भएपनि पहिलो दिन पार्टीका शिर्ष नेताहरुले सम्बोधन गर्ने गर्ने र दोस्रो बैठकमा विश्वासको मत लिने तयारीमा दाहाल रहेका छन् । प्रधानमन्त्रीले विश्वासको मत लिने मितिका विषयमा बिहीबार बसेको सत्ता साझेदार दलहरुको बैठकमा छलफलमा दाहाल आफैले यही महिनाभित्र विश्वासको मत लिने चाहना राखेका थिए ।

दाहाललाई नेकपा एमाले, माओवादी केन्द्र, राष्ट्रिय स्वतन्त्र पार्टी , राष्ट्रिय प्रजातन्त्र पार्टी, जनता समाजवादी पार्टी, जनमत पार्टी, नागरिक उन्मुक्ति पार्टी लगाएत केही स्वतन्त्र सांसदहरुको पनि समर्थन रहेको छ ।