काठमाडौं । जनता समाजवादी पार्टी (जसपा)ले बुधबार संसदीय दलको नेता चयन गर्न निर्वाचन तालिका सार्वजनिक गरेको छ ।
निर्वाचन कार्यतालिका अनुसार बुधबार विहान ११ बजेदेखि १२ बजेसम्म मनोनयन दर्ताको समय तोकेको छ । यस्तै १२ बजेदेखि दिउँसो १२ः ३० बजेसम्म उम्मेदवारको नामावली प्रकाशन, १२ः३० बजेदेखि १ः३० बजेसम्म नाम फिर्ता लिने, १ः३० बजेदेखि दिउँसो २ बजेसम्म दावी विरोध गर्ने र दिउँसो २ बजेदेखि २ः३० बजेसम्म उम्मेदवारहरुको अन्तिम नामावली प्रकाशन गरिने कार्यतालिका रहेको छ ।
त्यसपछि २ः३० बजेदेखि ३ः३०सम्म मतदान हुने र साढे ३ बजेपछि मतदानको परिणाम सार्वजनिक गर्ने कार्यक्रम रहेको जसपा संसदीय दलको कार्यालयले जनाएको छ । प्रतिनिधिसभामा जसपाका १२ जना सांसद छन् ।
प्रतिक्रिया