जनतामा आशा र भरोसा बढेको छः प्रधानमन्त्री दाहाल

काठमाडौं । नवनिर्वाचित प्रधानमन्त्री पुष्पकमल दाहालले नयाँ सरकार गठन भएपछि जनतामा आशा र भरोसा बढेको बताएका छन् ।

सोमबार सिँहदरबारमा बसेको मन्त्रीपरिषदको पहिलो बैठक लगतै दाहालले यस्तो बताएका हुन् । उनले आगमी दिनमा सरकारका अगाडी थुप्रै जटिलता र चुनौतीहरु भएको पनि उल्लेख गरेका छन् । उनले भने ‘हाम्रो अगाडि, देशको अगाडि पक्कै पनि चुनौतीहरु, जटिलताहरु छन् । तर यो मन्त्रिपरिषद जस्तो किसिमले बनेको छ र गएको निर्वाचनमा जस्तो परिणाम देखिएको छ त्यसलाई यो मन्त्रिपरिषदले समेटेको छ । र एउटा आशा जगाएको छ ।

हामीले भर्खरै पहिलो बैठक सक्यौं ।’, उनले , ‘सबैभन्दा पहिलो कुरा त नेपालको अर्थतन्त्रको स्थितिलाई सुधार्ने, सुशासनतर्फ गम्भीर भएर अघि बढ्ने कुरा, सार्वजनिक सेवा प्रवाहमा जनताले सास्ती पाउने कुरामा ध्यान दिएर त्यसका समाधानका निम्ति केन्द्रीत भएर अघि बढ्ने संकल्प गरेका छौं ।