सरकारमा जाने पार्टीको निर्णयप्रति रास्वपामा असन्तुष्टि

काठमाडौं । राष्ट्रिय स्वतन्त्र पार्टी (रास्वपा)का केन्द्रीय सदस्य गणेश कार्कीले नेकपा माओवादी केन्द्रका अध्यक्ष पुष्पकमल दाहाल नेतृत्वको सरकारलाई समर्थन गर्ने पार्टीको निर्णयप्रति असहमति जनाएका छन् ।

उनले चुनावका बेला आफुहरु अरुभन्दा फरक भएको भन्दै मत मागेको र अहिले आएर रास्वपा पनि सत्ता स्वार्थमा लागेको भन्दै असहमति जनाएका हुन् । उनले ‘आम नागरिकहरुको निराश मनस्थितिमा हामी अलग छौं, अलग रहनेछौं र अलग गर्नेछौं भनेर मत मागेका थियौं, चुनावको परणाम आउँदै गर्दा हतारमा हामी पनि उनीहरु जस्तै छौं भन्न आफ्नै कान आफैंले चिर्न थाल्यौं ?’ उनले प्रश्न गरेका छन्, ‘‘हामी हुनु र नहुनुले सरकार निर्माणमा केही असर नपुग्ने अवस्थामा पनि दाहालभन्दा पहिले बालकोट पुग्ने हतारो किन गर्यौं भन्दै प्रश्न गरेका छन् ।

दाहाललाई प्रधानमन्त्रीमा समर्थन गर्ने विषयमा रवि लामिछानेले एमाले अध्यक्ष केपी शर्मा ओलीको निवास बालकोट पुगेर आइतबार छलफल गरेका थिए ।