कांग्रेस नेता घिमिरेले मागे देउवाको राजीनामा

काठमाडौं । नेपाली कांग्रेसका नेता गुरुराज घिमिरेले गठबन्धन जोगाउन नसकेको भन्दै पार्टी सभापति शेरबहादुर देउवाको राजीनामा माग गरेका छन् ।

उनले सत्ता गठबन्धनलाई कायम राख्न नसकेको भन्दै देउवाले नैतिकताको आधारमा सभापति र संसदिय दलको नेताबाट राजीनामा दिनुपर्ने बताएका हुन् । उनले सामाजिक सन्जालमा लेखेका छन्, ‘सभापति तथा संसदीय दलका नेता शेरबहादुर देउवाले नैतिकताको आधारमा दुवै पदबाट तत्कालै राजिनामा दिनुपर्छ । हिजो पार्टीका साथीहरूले गठबन्धन गलत हो भन्दाभन्दै किन गरियो र आज किन जोगाउन सकिएन ?’

उनले तत्काल राजीनामा दिएर मार्ग प्रश्स्त नगरे चाँडै विशेष महाधिवेशन बोलाइने पनि उल्लेख गरेका छन् ।