काठमाडौं । सोमबार सरकारमा पठाउने मन्त्रीहरुको विषयमा छलफल गर्न नेकपा माओवादी केन्द्रले पदाधिकारी बैठक बोलाएको छ ।
बैठक बिहान ८ बजे पार्टी कार्यालय पेरिसडाँडामा बस्नेछ । पदाधिकारी बैठकबाट माओवादीले पाउने मन्त्रालय र ती मन्त्रालय सम्हाल्ने मन्त्रीहरुबारे छलफल गर्ने तयारी गरिएको छ । साथै माओवादी केन्द्रको पदाधिकारी बैठक लगतै बिहान ११ बजे सत्ता गठबन्धनको बैठक पनि डाकिएको छ । बैठक नयाँ बानेश्वर स्थित संसद भवनमा बस्नेछ ।
आइतबार प्रधानमन्त्री नियुक्त भएका माओवादी केन्द्रका अध्यक्ष प्रचण्डले आज अपराह्न चार बजे केही मन्त्रीहरुसहित पद तथा गोपनीयताको शपथ ग्रहण गर्दैछन् । त्यसै विषयमा सत्ता गठबन्धनको बैठकमा छलफल हुनेछ् ।
प्रतिक्रिया