संसदको पहिलो बैठकको अध्यक्षता राप्रपाको जबराले गर्ने

काठमाडौं । प्रतिनिधिसभाको पहिलो बैठकको अध्यक्षताका लागि संसद सचिवालयले राष्ट्रिय प्रजातन्त्र पार्टीका पशुपति शमशेर जबरा ठहर गरेको छ ।

नवनिर्वाचित प्रतिनिधिसभाको २७५ मध्य जबरा सवैभन्दा जेटा सांसद रहेका छन् । राष्ट्रिय प्रजातन्त्र पार्टीबाट समानुपातिक निर्वाचन प्रणालीमार्फत निर्वाचित जबरा नागरिकताका आधारमा जेठो सदस्य देखिएपछि उनैले अन्य सांसदहरुलाई पुस ७ गते शपथ गराउने छन् । यसअघि महेन्द्र यादव, चित्रबहादुर केसी वा पशुपति शमशेर जवरामध्ये को ज्येष्ठ सदस्य भन्ने विवाद थियो ।

यो विवाद भएपछि संसद सचिवालयले निर्वाचन आयोगको रेकर्ड र नागरिकता भिडाएर ज्येष्ठ सदस्य निर्क्योल गरेको हो ।