एजेन्सी । कतारमा जारी फिफा विश्वकप फुटबल अन्तर्गत तेस्रो स्थानका लागि शनिबार क्रोएसिया र मोरोक्को भिड्दैछन् ।
सेमी फाइनलमा पराजित भएका यी दुई देश बिचको खेला शनिबार राति ८ः४५ बजे कतारको खालिफा स्टेडिएममा हुनेछ । क्रोएसिया सेमिफाइनलमा अर्जेन्टिनासँग ३–० ले पराजित भएपछि मोरोक्कोसँग भेट भएको हो । सेमिफाइनलमा मोरोक्को भने फ्रान्ससँग २–० ले पराजित भएको थियो । क्रोएसिया साविकको उपविजेता हो भने मोरोक्को पहिलो पटक सेमिफाइनलसम्म पुगेको राष्ट्र हो ।
विश्वकपको फाइनल खेल भने आइतबार राति ८ः४५ बजे हुनेछ । फाइनलमा साविक विजेता फ्रान्स र अर्जेन्टिना प्रतिस्पर्धा गर्नेछन् ।
प्रतिक्रिया