मोरक्कोलाई हराउँदै फ्रान्स फाइनलमा

एजेन्सी – कतारमा जारी फिफा विश्वकपमा साविक विजेता फ्रान्स फाइनलमा प्रवेश गरेको छ ।

बुधबार राति अल बेयत रंगशालामा भएको दोस्रो सेमिफाइनलमा मोरक्कोलाई २–० गोल अन्तरले हराउँदै फ्रान्सले फाइनलमा आफ्नो स्थान सुरक्षीत गरेको हो । फ्रान्सको जितमा थिओ हर्नान्डेज र रान्दल कोलो मुआनीले १–१ गोल गरे । खेलको सुरुवातमै अग्रता लिएको फ्रान्सले दोस्रो हाफमा वैकल्पिक खेलाडीमार्फत अर्को गोल थपेको थियो । फ्रान्सले यस जितसँगै उपाधि रक्षाका लागि फाइनलमा अर्जेन्टिनासँग भिडन्त पक्का गरेको छ ।

फ्रान्सले अब तेस्रो पटक फिफा विश्वकपको उपाधी उचाल्नका लागि आइतबार अर्जेन्टिनाको सामना गर्नेछ ।