दाङ । जिल्ला प्रहरी कार्यालय दाङको हिरासतमा थुनिएका पतिलाई भेट्न पुगेकी श्रीमतिले लागुऔषध लिएर भेटन गएपछि प्रहरीले पक्राउ गरेको छ ।
लागुऔषध मुद्दामा प्रहरी हिरासतमा थुनिएका घोराही नगरपालिका–१५ घर भएका अशोक खड्कालाई उनकी पत्नी शान्ति घर्ती खड्काले लागु औषध सहित भेट्न गएकी थिइन् । फलफूल दिने बहनामा हिरासतमा भेट्न गएकी शान्तिले केरामा लुकाएर लगेको अवस्थामा ५ पुरिया ब्राउन सुगर भेटिएको जिल्ला प्रहरी कार्यालय दाङले जनकारी दिएको छ । केराको डाँठमा लुकाएर लगेको १२० मिलिग्राम ब्राउन सुगर प्रहरीले बरामद गरेको छ ।
लागुऔषध बरामद गरेर शान्तिलाई पनि मुद्दा चलाइएको प्रहरीले जनाएको छ । अशोक खड्का मङ्सिर २४ मा ब्राउन सुगर सहित पक्राउ परेका थिए ।
प्रतिक्रिया