दोलखाका १० मतदान केन्द्रमा मतदान हुँदै

दोलखा। दोलखामा विवादका कारण रोकिएका १० वटा मतदान केन्द्रमा बिहिबार पुनः मतदान चलिरहेको छ ।

मुख्य निर्वाचन अधिकृतको कार्यालय दोलखाका अनुसार मतदान बिहान ७ बजे बाट बेलुकी ५ बजे सम्म चल्नेछ । ११ मंसिरमा बसेको निर्वाचन आयोगको बैठकले दोलखाको वैत्यश्वर गाउँपालिका–२ को जनज्योति माध्यमिक विद्यालय पुतली काठका मतदान केन्द्र क र ख, वैत्यश्वर वडा नम्बर ३ को कालीढुङ्गा मावि मतदान केन्द्रमा क, ख, ग मतदान केन्द्र, वडा नम्बर ६ को वैत्यश्वर माध्यमिक विद्यालय मतदान केन्द्र क, ख, ग तथा तामाकोशी गाउँपालिका वडा नम्बर( ३ हेल्थपोष्ट भवन जफे मतदान केन्द्रका क र ख गरी १० वटा मतदान केन्द्रमा ४ मंसिरमा भएको निर्वाचनलाई रद्द गरी पुनः मतदान गर्ने निर्णय गरेको थियो ।