पद्मा जीसी श्रेष्ठः कामले चिनाएकी नेतृ

नवलपुर । नेकपा (एमाले) बाट पद्मा जीसी श्रेष्ठ नवलपुर क्षेत्र नम्बर २ (१) को प्रत्यासी हुन् ।

जीवनको तीन दशकदेखि राजनीति र समाजसेवामा परिचिति श्रेष्ठ जिल्लाका लागि नौलो नाम होइन । एमालेबाट निर्वाचनमा प्रत्यासी भएपछि जीसीको पक्षमा अनपेक्षित माहौल आएको छ । ‘यूवा ऊर्जा हो उमेर होइन’ भन्ने मान्यता राख्नुहुने श्रेष्ठ महिला समावेशीताको कुरा बाध्यता नभएको जिकिर गर्छिन् ।

राजनीतिक सक्रियता र समाजसेवामा जीसीको क्रियाशीलता जिल्लामै उदाहरणीय मानिन्छ । धेरै संघर्षहरूसँग सिंगौरी खेल्दै आएकी जीसी राष्ट्रवाद र समाजसेवामा आफ्नो कुनै कमी नआउने बताउछिन् । नवलपुर बनाउन धेरै कुटो–कोदालो चलाएको अनि १० नंग्रा खियाएको सम्पूर्ण नवलपूरे समुदायलाई अवगत नै छ, उनको भनाइ छ ।

आफ्नो जीत सुनिश्चित रहेको भन्दै जीसीले नवलपरका जनताको अभिमतलाई कहिँकतै पनि खेर जान नदिने पनि बताइन् ।