कम्बोडियाका प्रधानमन्त्री सेनलाई कोरोना पुष्टि, जी–२० मा सामेल नुहुने

एजेन्सी । कम्बोडियाका प्रधानमन्त्री हुन सेनलाई कोरोना भाइरस संक्रमण पुष्टि भएको छ ।

मंगलबार उनले आफुलाई कोराना भाइरस पुष्टि भएको जनकारी गराएका छन् । सामाजिक सञ्जाल फेसबुक मार्फत उनले सेनले सोमबार राति आफूलाई कोरोना भाइरसको संक्रमण देखिएको र इन्डोनेसियाका एक डाक्टरले पनि उनी कोभिड–१९ बाट संक्रमित भएको पुष्टि गरेका छन् । सेन जी –२० शिखर सम्मेलनमा सहभागी हुन इन्डोनेसियाको बाली पुगेका थिए ।

यसअघि कम्बोडियाको नोम पेन्हमा भएको दक्षिणपूर्वी एसियाली राष्ट्रहरूको शिखर सम्मेलनमा उनले अमेरिकी राष्ट्रपति जो बाइडेनलगायत विश्वका धेरै नेताहरूसँग भेट गरेका थिए । सेनले आफू कम्बोडिया फर्कन लागेको र जी–२० शिखर सम्मेलन र त्यसपछि बैंककमा हुने एसिया–प्यासिफिक इकोनोमिक कोअपरेसन (एपेक) बैठकमा सहभागी नहुने बताएका छन् ।

आइतबार सम्पन्न भएको दक्षिणपूर्वी एसियाली राष्ट्रहरू (आसियान) शिखर सम्मेलनको आयोजक कम्बोडिया थियो ।