काठमाडौं । साताको पहिलो दिन दिन नेप्से परिसूचकमा सामान्य गिरावट आएको छ ।
आईतवार नेप्से परिसूचक १० दशमलव ५४ अंकले घटेर १८ सय ८३ दशमलव १६ बिन्दुमा झरेको हो । त्यस्तै,सेन्सेटिभ इण्डेक्स १ दशमलव ८३ अंकले घटेको छ भने फ्लोट इण्डेक्स ० दशमलव ६८ अंक र सेन्सेटिभ फ्लोट इण्डेक्स ० दशमलव ५८ अंकले घटेको छ । आईतवार कोरोबारमा आएका २ सय २५ कम्पनीको २० लाख २८ हजार कित्ता शेयर ७७ करोड ४९ लाख ११ हजार रुपैयाँ बराबरको खरिदबिक्री भएको छ । नेप्सेसँगै आइतवार कारोबार रकम पनि घटेको छ ।
गत बिहीवार १ अर्बभन्दा बढीको शेयर कारोबार भएको थियो । नेप्सेका १३ उपसमूहमध्ये होटल तथा पर्यटन उपसमूहको परिसूचक बाहेक अरु सबै उपसमूहको परिसूचक घटेको छ । जसमा होटल तथा पर्यटन उपसमूहको परिसूचक ० दशमलव ६० प्रतिशत बढेको छ । व्यापार उपसमूहको परिसूचक १ दशमलव ४४ प्रतिशत घटेको छ । आईतवार लक्ष्मी इक्वीटि फण्डको इकाईमूल्य ७ दशमलव ९० प्रतिशत बढेको छ ।
त्यस्तै,मन्दाकिनी हाइड्रोपावरको शेयरमूल्य ३ दशमलव ७४ प्रतिशत बढेको छ । यता,निर्धन उत्थान लघुवित्तको शेयरमूल्य ६ दशमलव ४० प्रतिशत घटेको छ । कारोबारमा शिवम् सिमेन्ट्सको १० करोड ३९ लाख रुपैयाँ बराबरको शेयर खरिदबिक्री भएको छ ।
प्रतिक्रिया