रुसी सेना खेरसानबाट फिर्ता भएपनि युद्ध सकिएको छैन्: युक्रेन

एजेन्सी । युक्रेनी अधिकारीहरूले रुसी सेना खेरसनबाट फिर्ता भए पनि युद्ध समाप्त नभएको बताएका छन् ।

रुसले खेरसनबाट आफ्ना सेना फिर्ता गरेको घोषणा गरेपछि पनि सप्ताहन्तमा उत्सवहरू जारी रहँदा युक्रेनी अधिकारीहरुले उक्त चेतावनी दिएका हुन् । हर्षोल्लास पूर्ण भीडले शुक्रबार युक्रेनी सेनालाई शहरमा स्वागत गरे । फेब्रुअरीमा युद्ध सुरु भएपछि रुसी सेनाले खेरसनलाई नियन्त्रणमा लिएको थियो । राजधानी किभ र ओडेसालगायत युक्रेनका अन्य क्षेत्रहरूमा पनि यस्तै उल्लास पूर्ण दृश्यहरू देखिएको थिए ।

युक्रेनी रक्षा मन्त्रीका सल्लाहकार युरी साकले ‘उत्सब मनाउनु धेरै चाँडो’ हुने बताएका छन् । युद्धमा रुस कहिल्यै विजयी नहुने पजि उनले बताएका छन् ।