विश्वकप फुटबलका लागि स्पेनको टोली घोषणा

एजेन्सी । नोभेम्बर २० बाट कतारमा हुने फिफा विश्वकप फुटबलका लागि स्पेनले आफ्नो २६ सदस्यीय टिम घोषणा गरेको छ ।

स्पेनका प्रमुख प्रशिक्षक लुइस एनरिकेले युवा खेलाडीलाई समेटेर टिम घोषणा गरेको हो । स्पेनको टिममा भेट्रान डिफेण्डर तथा पूर्व कप्तान सर्जियो रामोस भने समावेश भएनन् । स्पेनको नयाँ टिममा गोलकिपर उनाई सिमोन, रोवर्ट सान्चेस र डेभिड राय रहेका छन् । त्यस्तै डिफेण्डरमा ड्यानी कार्भाजल, सेसार आज्पिलिकुएटा, एरिक गार्सिया, पाउ टोरेस, ह्युगो गुइलामोन, एमेरिक लापोर्टे, जोर्डी अल्बा र जोसे गाया छन् ।

मिडफिल्डरमा सर्जियो बुस्केट, रोड्री, गाभी, कार्लोस सोलर, मार्कस लोरेन्टे, पेड्री र कोके त्यसैगरि फरवार्डमा येमेरी पिनो, फरान टोरेस, निको विलियम्स, अल्भारो मोराटा, मार्को एसेन्सियो, पाब्लो साराविया, ड्यानी ओल्मो र अंशु फाती सहितका युवा खेलाडिहरुलाई समेटेर स्पेनले विश्वकपको उपाधि दावी सहित टिम घोषणा गरेको छ ।

स्पेन सन् २०१० को विश्वकप विजेता हो ।