एजेन्सी । नोभेम्बर २० देखि कतारमा सुरु हुन लागेको फिफा विश्वकप फुटबलका लागि स्वीट्जरल्याण्डले आफ्नो टोली घोषणा गरेको छ ।
स्विट्जरल्याण्डले अनुभवी खेलाडीहरु ग्रान्ट जाका र जेर्दान शिकरीलाई समेट्दै बुधबार २६ सदस्यीय टोली घोषणा गरेको हो । स्विट्जरल्याण्ड विश्वकपको समुह जी मा रहेको छ । स्वीट्जरल्याण्डको टिममा गोलकिपर ग्रेगोर, कोबेल, फिलिप कोन, यान सोमेर, जोनास ओमलिन रहेका छन् ।
त्यस्तै डिफेण्डर मानुएल अकान्जी, एरे कोमेर्ट, निको एल्भेदी, रिकार्डो रोड्रिगेज, फिबयन सार, सिल्भान विडमर छन् । मिडफिल्डर माइकल अबिस्केर, एडिमिल्सन पर्नान्डेज, फिबयन फ्रेई, रेमो फ्रुएलर, अर्डोन जाशारी, नोह ओकाफोर, फाबियन रेइडर, जेर्दान शिकरी, डिजिब्रिल सो, रेनाटो स्टेफेन, ग्रान्ट जाका, डेनिस जाकारिया लाई समावेश गरिएको छ । त्यस्तै फरवार्डमा ब्रिल एम्बोलो, क्रिस्टियन फासानाच्ट, हरिस सेफेरोभिक, रुबेन भर्गास रहेका छन् ।
स्विट्जरल्याण्डले नोभेम्बर २४ मा क्यामरुनसँग विश्वकपको पहिलो खेल खेल्नेछ ।
प्रतिक्रिया