एजेन्सी । पाकिस्तानका पूर्व प्रधानमन्त्री इमरान खानले आफुमाथि भएको आक्रमणमा प्रधानमन्त्री सेहबाज शरीफको हात रहेको आरोप लगाएका छन् ।
खानले शुक्रबार अप्रिलमा अविश्वासको मतपछि प्रधानमन्त्रीको रूपमा उनको स्थानमा आएका प्रधानमन्त्री सेहबाज शरीफ, आन्तरिक मन्त्री राणा सनाउल्लाह र एक वरिष्ठ सेना कमाण्डर उक्त षड्यन्त्रमा संलग्न रहेको अभिव्यक्ति दिएको अन्तराष्ट्रिय समाचार माध्यमहरुले जनाएका छन् ।
हत्या प्रयासपछि खुट्टामा गोली लागि घाइते भएका उनले आफ्नो उत्तराधिकारीमाथि आफुलाई मार्ने षड्यन्त्रमा संलग्न भएको आरोप लगाएका हुन्। आन्तरिक मन्त्री सनाउल्लाहले भने आरोप अस्वीकार गर्दै गठबन्धन सरकारले स्वतन्त्र छानबिनको माग गरेको बताएका छन् । प्रधानमन्त्री शरीफले गोलीबारीको निन्दा गर्दै छानबिनको आदेश पनि दिएका छन् ।
खानको काफिलेमा भएको आक्रमणमा परि एकको ज्यान थियो भने कम्तिमा १० जना घाइते भएका थिए।
प्रतिक्रिया