५३ जना कोरोना सङ्क्रमित थपिए

काठमाडौं । विगत २४ घण्टामा ५३ जनामा कोरोना भाइरस सङ्क्रमण पुष्टि भएको छ ।

स्वास्थ्य तथा जनसङ्ख्या मन्त्रालयका अनुसार एक हजार पाँच सय ७१ परीक्षणमध्ये ५३ जनामा सङ्क्रमण पुष्टि भएको हो । त्यसैगरि बिहिबार ५१ जना सङ्क्रमणमुक्त भइ घर फर्किएका छन् । यो दर ९८ दशमलव ७ प्रतिशत रहेको छ । सक्रिय सङ्क्रमितको सङ्ख्या सात सय २७ जना पुगेको छ ।

सो अवधिमा १५ हजार तीन सय ५९ जनाले कोरोना भाइरस विरुद्धको खोप लगाएको स्वास्थ्य तथा जनसङ्ख्या मन्त्रालयले जनाएको छ । हालसम्म लक्षित जनसङ्ख्याको ९९ दशमलव ५ प्रतिशतले एक मात्रा र ९५ दशमलव ७ प्रतिशतले पूर्ण मात्राको खोप लगाइसकेका छन् ।