काठमाडौं । नेकपा एमालेका स्थायी कमिटी सदस्य घनश्याम भुसालले पार्टी परित्याग गरेको घोषणा गरेका छन् ।
उनले शनिबार आफ्नो सामाजिक सञ्जाल फेसबुक मार्फत एमाले परित्याग गरेको घोषणा गरेका हुन । ४५ वर्षसम्म आफ्नो सम्पूर्ण सामथ्र्य समर्पित गरेको पार्टीमा नीति र विधिको पुनःस्थापना हुने कुनै सम्भावना नदेखेपछि आफूले पार्टी छाड्ने निर्णय गरेको उनको फेसबुक स्टाटसमा लेखिएको छ ।
आसन्न निर्वाचन लड्न टिकट नपाएका भुसालले त्यसमै असन्तुष्ट भएर पार्टी छोडेको आँकलन गरिएको छ । एमाले अध्यक्ष केपी शर्मा ओलीको दम्भ र स्वेच्छाचारिताले केवल दम्भ र स्वेच्छाचारिताको आक्रमण बढ्दै गएको आरोप लगाउँदै भुसालले पार्टी परित्याग गरेको बताएका छन् ।
पार्टी परित्याग गरेसंगै उनि रुपन्देही क्षेत्र नं. १ बाट स्वतन्त्र उम्मेदवारी दिने तयारी रहेको चर्चा समेत चुलिएको छ ।
प्रतिक्रिया