काठमाडौँ । विश्व पर्यटन दिवसको अवसरमा मंगलवारबाट नेपाल टुरिजम एमेच्योर गल्फ च्याम्पियनसिप हुदैँ छ ।
गल्फ प्रतियोगितामा ५४ होलको खेल हुनेछ । तीन दिने प्रतियोगितामा नेपाल, बङ्गलादेश, कतार र मलेसियाका ३६ खेलाडीको सहभागिता रहनेछ । पुरूष र महिलाको टिममा पनि प्रतिष्पर्धा हुनेछ । यो वल्र्ड -याङकिङ प्रतियोगिता हो ।
त्यसैले महिला नेपाली गल्फरको लागि वल्र्ड -याङकिङमा स्थान बनाउने अवसर पनि हो । नेपाल नम्बर एक गल्फर सुवास तामाङ र अर्का युवा खेलाडी सद्भाव आचार्यले नेपाल टिम ए तथा टसी छिरिङ र वान्चेन ढोन्डुपले नेपाल टिम बीबाट प्रतिष्पर्धा गर्नेछन । टिम प्रतिष्पर्धामा बङ्गलादेश र कतारको पनि सहभागिता रहेनेछ ।
महिलातर्फ भने कुल पाँच टिमले प्रतिष्पर्धा गर्नेछन । यसैगरी प्रत्येक दिन ग्रस विजेता पनि चुनिने गल्फ संघले जनाएको छ ।
प्रतिक्रिया