काठमाडौं । काठमाडौं महानगरले शुक्रबारबाट महानगर भित्रका सामुदायिक विद्यालयमा शिक्षामा सीपु कार्यक्रम सुरु गर्दैछ ।
कार्यक्रममा सामुदायिक विद्यालयमा अध्ययनरत कक्षा ९ देखि कक्षा १२ सम्मका विद्यार्थीहरु सहभागी हुनेछन् । हरेक तालिमको १ समूहमा २० जनादेखि ३० जनासम्म विद्यार्थी राखिनेछ । कार्यक्रमको शुरुवात अर्थात् पहिलो बर्ष (शैक्षिक सत्र २०८०) मा कक्षा ९ का लागि नमूना कार्यक्रम चलाइनेछ ।
यसका लागि विद्यालयहरुलाई महानगरले अनुदान रकम उपलब्ध गराउनेछ । महानगरले गत बैशाख १३ गते कार्यक्रमको औपचारिक शुभारम्भ गरिसकेको छ । शुभारम्भको पहिलो चरणमा तालिम कार्यक्रम कक्षा ९ सञ्चालन भएका ५६ वटा विद्यालयमा चल्नेछन् ।
यसलाई क्रमशः विस्तार गर्दै लगिने महानगरको योजना रहेको छ ।
प्रतिक्रिया