वृद्धि भएको तलब प्रधानमन्त्री तथा मन्त्रीहरुले नलिने

काठमाडौं । बजेट वक्तव्यमार्फत चालु आवमा वृद्धि भएको १५ प्रतिशत तलब प्रधानमन्त्री र मन्त्रीहरूले नलिने निर्णय गरेका छन् ।

आर्थिक वर्ष ०७९/ ८०को बजेटमा कर्मचारीको तलब भत्तामा १५ प्रतिशतले वृद्धि गरिएको थियो । कर्मचारीको तलब वृद्धि पदाधिकारी तथा मन्त्रीहरूको तलब पनि स्वतः सोही अनुसार बढ्छ ।

सोमबार साँझ बसेको मन्त्रीपरिषद्को बैठकले मन्त्रीपरिषद्का सदस्यले बढेको तलब नलिने घोषणा गरेको बताइएको छ ।