काठमाडौंको जडीबुटीमा सोफा स्टोर काठमाडौँ को नयाँ आउटलेट उद्घाटन गरिएको छ ।
असोज १ गते नयाँ आउटलेटको उद्घाटन गरिएको हो । नयाँ आउटलेटमा ग्राहकले एउटै छानामुनि आयातित तथा नेपालमै उत्पादित सोफा तथा फर्निचरका विभिन्न सामग्री खरिद गर्न सक्नेछन् । घर तथा कार्यालयका लागि आवश्यक विभिन्न डिजाइन, साइज र मूल्यका सोफा तथा फर्निचर यहाँ उपलब्ध हुने कम्पनीले जनाएको छ ।
आउटलेट उद्घाटनको अवसर पारेर ग्राहकका लागि ५० प्रतिशतसम्मको ओपनिङ अफर समेत ल्याइएको छ । विभिन्न सोफा तथा फर्निचर खरिद गर्ने ग्राहकले उद्घाटनको अवसरमा आकर्षक छुट तथा विशेष अफरको लाभ लिन सक्नेछन् । सोफा स्टोर काठमाडौँ का प्रोप्राइटर तथा सिईओ दीपेन्द्र धरेलका अनुसार, कम्पनीले यसअघि नेपालमै आफ्नै फ्याक्ट्रीमा उत्पादन गरिएका सोफा तथा फर्निचर मात्र बिक्री गर्दै आएको थियो । तर, ग्राहकका फरक–फरक आवश्यकता र मागलाई सम्बोधन गर्ने उद्देश्यले अब आयातित सोफा तथा फर्निचर पनि बिक्री गर्न सुरु गरिएको हो ।
उनका अनुसार, एउटै स्थानबाट ग्राहकले आफ्नो बजेट, आवश्यकता र रुचिअनुसार नेपालमा उत्पादितदेखि आयातितसम्मका विभिन्न विकल्प छनोट गर्न सक्नेछन् । गुणस्तरीय सामग्री, आकर्षक डिजाइन र उचित मूल्यमा विभिन्न प्रकारका सोफा तथा फर्निचर उपलब्ध गराउने उद्देश्यले जडीबुटीमा नयाँ आउटलेट सञ्चालनमा ल्याइएको कम्पनीले जनाएको छ । सोफा स्टोर काठमाडौँका आउटलेटहरू जडीबुटी लगायत काठमाडौंको चामती, महाराजगञ्ज (चक्रपथ) तथा भक्तपुरमा सञ्चालनमा रहेका छन् ।
काठमाडौं उपत्यकाबाहिर धादिङ, धनगढी र सुर्खेतमा समेत सोफा स्टोर काठमाडौँका आउटलेटहरू रहेका छन् । जडीबुटी लगायत सबै आउटलेट अब नियमित रूपमा ग्राहकका लागि खुला रहनेछ ।
प्रतिक्रिया