काठमाडौंको नागार्जुनमा गाडी दुर्घटना, एक जनाको मृत्यु

काठमाडौं । काठमाडौंको नागार्जुन नगरपालिका–८ ठुलो खोला नजिक गएराति भएको गाडी दुर्घटनामा एक जनाको ज्यान गएको छ।

धादिङबाट काठमाडौं आउँदै गरेको खसी बोका बोकेको टाटा गाडी (प्र ३ –०१–०२४ च ८३२२) साइड दिने क्रममा सडकबाट करिब ४ सय मिटर तल खसेको थियो। राति करिब ८ः५० बजे भएको दुर्घटनापछि घाइते अवस्थाका तीन जनालाई उपचारका लागि अस्पताल पुर्याइएको थियो।

तर, गोरखा निवासी ५० वर्षीय गोकुल पाण्डेको राति १०ः२२ बजे मृत्यु भएको जिल्ला प्रहरी परिसर काठमाडौंले जनाएको छ । उक्त दुर्घटनामा गोरखाकै ४१ वर्षीय जमालुदिन मिया र ४३ वर्षीय रामजी भट्ट घाइते भएका छन्।

उनीहरूको उपचार जारी रहेको प्रहरीले जनाएको छ।