एजेन्सी – इरानको दक्षिणी सहर सिराजमा भएको अतिवादी हमलामा परी कम्तीमा पनि १२ जनाको ज्यान गएको छ ।
बुधबार उक्त सहरको एक धार्मिकस्थलमा अतिवादीले विस्फोट गराउदा १२ जनाको मृत्यु भएको र २० जना घाइते भएको अन्तराष्ट्रिय सञ्चारमाध्यमले जनाएको छ । घाइतेमध्ये केहीको अवस्था गम्भीर रहेको छ । मारिनेमा एकजना महिला र अरु दुई बालबालिका छन् । सो धार्मिकस्थलमा रहेका सुरक्षाकर्मीलाई लक्ष्य गरेर हमला गरिएको बताइएको छ ।
आक्रमणमा संलग्न तीन जनामध्ये एकलाई प्रहरीले हिरासतमा लिएको छ । प्रहरीले आक्रमणको थप अनुसन्धान गरिरहेका छ ।
प्रतिक्रिया