आशाको देशबाट आँसुका धारा बगाउँदै फर्किए ३७ नेपाली

काठमाडौं । अमेरिका सरकारले अध्यागमन कानुन उल्लंघन गरेको आरोपमा ३७ जना नेपालीलाई डिपोर्ट गरी आइतबार राति चार्टर्ड विमानमार्फत काठमाडौं पठाएको छ।

त्रिभुवन अन्तर्राष्ट्रिय विमानस्थलमार्फत ती नेपालीहरु स्वदेश फर्किएका हुन्। उक्त समूहमा ३२ जना पुरुष र ५ जना महिला रहेका छन्। उनीहरु भिसा अवधि सकिएपछि पनि अमेरिकामा बसोबास गरिरहेकाले वा कानुनी प्रक्रिया पूरा नगरेको आरोपमा नियन्त्रणमा लिइएका थिए।

सत्तामा आएदेखि आप्रवासी नीति कडा बनाउँदै आएको अमेरिकी प्रशासनले विशेष गरी गैरकानुनी आप्रवासीहरूमाथि निगरानी बढाएको छ। भिसा उल्लंघन, आपराधिक गतिविधिमा संलग्नता वा अन्य कानुनी त्रुटिका आधारमा अमेरिका यस्ता व्यक्तिहरूलाई स्वदेश फर्काइरहेको छ।

यसपटकको डिपोर्ट कार्य अमेरिकी अध्यागमन नीतिको पछिल्लो कडाइको संकेतका रूपमा हेरिएको छ।