इन्डोनेसियामा भयानक सडक दुर्घटना, ११ जनाको मृत्यु

एजेन्सी । इन्डोनेसियाको मध्य जाभा प्रान्तको सिलाकाप जिल्लामा बुधबार बिहान एक भयानक दुर्घटना भएको छ।

बालुवा बोकिरहेको ट्रक र सानो बस आपसमा ठोक्किँदा ११ जनाको मृत्यु भएको छ भने पाँच जना घाइते भएका छन्। दुर्घटना बेनेर उपजिल्लाको कालिजाम्बे गाउँमा बिहान करिब ११ः३० बजे भएको हो। खोज तथा उद्धार कार्यालयका प्रमुख अब्दुल्लाहका अनुसार ट्रक उकालो चढ्न प्रयास गर्दा असफल भएको थियो, जसपछि ब्रेक फेल भएर ट्रक पछाडि सर्‍यो र सानो बसमा ठोक्किएको थियो। यसपछि ट्रक नजिकैको एक घरमा पनि ठोक्किएको थियो।

घटनापछि उद्धार कार्यमा संलग्न टोलीले तुरुन्तै घटनास्थलमा पुगेर घाइतेहरूको उद्धार गर्न थाल्यो। मृतक सबै जना सानो बसका यात्रीहरू थिए। घाइते पाँच जनालाई उपचारका लागि पुरवोरेजो सामान्य अस्पतालमा भर्ना गरिएको छ।