मौसमको दोहोरी सुरुः आज बर्षा र हिमपातको सम्भावना

काठमाडौं । देशमा हाल पश्चिमी र स्थानीय वायुले आंशिक प्रभाव पारिरहेको छ, जसका कारण विशेषगरी कोशी, बागमती र गण्डकी प्रदेशका पहाडी तथा हिमाली भूभागमा मौसम बदली रहेको मौसम पूर्वानुमान महाशाखाले जनाएको छ।

कोशी प्रदेशको तराई तथा गण्डकी प्रदेशका पहाडी क्षेत्रमा अहिले केही स्थानमा चट्याङसहित हल्कादेखि मध्यम वर्षा भइरहेको छ। दिउँसोको समयमा कोशी, बागमती र गण्डकी प्रदेशको पहाडी क्षेत्रमा आंशिकदेखि सामान्य बदली रहनेछ। यसका साथै, ती प्रदेशका उच्च पहाडी तथा हिमाली भेगमा एक–दुई स्थानमा हल्का हिमपातको सम्भावना पनि देखिएको छ, जुन अवस्था राति पनि जारी रहने अनुमान गरिएको छ।

मौसमको यस प्रकारको प्रभावले कृषि, सडक तथा हवाई यातायात, जनजीवन र स्वास्थ्य क्षेत्रमा असर पार्न सक्ने सम्भावना रहेकाले आवश्यक सतर्कता अपनाउन महाशाखाले नागरिकलाई आग्रह गरेको छ।