कालीकोट । कालीकोटको पलाँता गाउँपालिका–२ बुडाडाँडामा आइतबार राति एक ट्र्याक्टर दुर्घटनामा परेर चार जनाको मृत्यु भएको छ।
थिर्पुबाट छलतर्फ खाद्यान्न र दैनिक उपभोग्य सामग्री बोकेर जाँदै गरेको ट्र्याक्टर दुर्घटनामा परेको हो। ट्र्याक्टरको नम्बर भने हालसम्म खुल्न सकेको छैन। जिल्ला प्रहरी कार्यालय कालीकोटका अनुसार मृतकमध्ये ट्र्याक्टर चालक २५ वर्षीय चन्द्रप्रकाश रोकाय ९मुगु, खत्याड–५०, रवीन्द्र विक ९२१, पलाँता–४०, ३२ वर्षीया सदु बुढा (पलाँता–४), र २५-२६ वर्षीया अम्बा शाही (पलाँता–५) रहेका छन्।
उनीहरूको घटनास्थलमै ज्यान गएको जनाइएको छ। प्रहरी प्रमुख टेकबहादुर रावतका अनुसार ट्र्याक्टर अप्ठ्यारो भिरमा अड्किएको अवस्थामा भेटिएको थियो भने शवहरू सडकदेखि करिब २०० मिटर तल फेला परेका थिए।
सूचना पाएलगत्तै प्रहरी सहायक निरीक्षक भीमबहादुर सुनारको नेतृत्वमा टोली घटनास्थलमा खटिएको थियो।
प्रतिक्रिया