काठमाडौं | भारतको आसाम राज्यमा आत्मसमर्पण गरेका दुर्गा प्रसाइँलाई आज (शुक्रबार) नेपाल फर्काइँदैछ।
मानवअधिकारकर्मीको उपस्थितिमा भारतीय प्रहरीले उनलाई नेपाल प्रहरीको जिम्मा लगाउने तयारी गरेको छ। प्रसाइँ नेपाल आउने खबर फैलिएसँगै उनका आफन्तजन र समर्थकहरू काँकरभिट्टास्थित मेची पुलमा जम्मा भएका छन्। तर, सुरक्षाको कारण देखाउँदै नेपाल प्रहरीले उनलाई वैकल्पिक सीमा नाका गलगलियाबाट ल्याउने निर्णय गरेको छ।
गलगलिया नाका झापाको भद्रपुर क्षेत्रमा पर्ने भारतीय सीमा हो। प्रहरी स्रोतका अनुसार, भीडभाडको सम्भावित जोखिमलाई ध्यानमा राख्दै रुट परिवर्तन गरिएको हो। झापाका प्रहरी प्रमुख मिलन केसीको नेतृत्वमा प्रहरी टोली गलगलिया पुगेको छ।
भारतबाट प्रसाइँको हस्तान्तरण भएपछि उनलाई चन्द्रगढी विमानस्थल हुँदै काठमाडौं ल्याइने योजना बनाइएको छ। प्रसाइँको प्रत्यावर्तनलाई लिएर सुरक्षा संयन्त्र उच्च सतर्कतामा राखिएको छ।
प्रतिक्रिया